Bhí reifreann ann an 27 Deireadh Fómhair 2011 maidir le togra chun an Bunreacht a leasú i dtaobh an féidir pá na mbreithiúna a laghdú i gcúinsí áirithe.

---

Reifreann ar an mBille um an Naoú Leasú is Fiche ar an mBunreacht 2011 (Tuarastal Breithiúna)

Leis an athrú a bhí beartaithe ar an mBunreacht, cheadófaí dlí a rith chun pá na mbreithiúna a laghdú go comhréireach más rud é go bhfuil pá na státseirbhíseach á laghdú nó laghdaithe agus má shonraítear go bhfuil an laghdú sin “chun leasa an phobail”.

Leis an togra, cheadófaí dlí a rith a d’fhágfadh go mbeadh ar bhreithiúna “Tobhach Pinsin na Seirbhíse Poiblí” a íoc chomh maith le haon mhuirear nó aon mhuirir dá samhail amach anseo.

Thoiligh na daoine leis an togra.

---

Reifreann ar an mBille um an Tríochadú Leasú ar an mBunreacht 2011 (Fiosruithe Thithe an Oireachtais)

Bhí reifreann ann an 27 Deireadh Fómhair 2011 maidir le togra chun cumhacht shainráite a bhronnadh ar Thithe an Oireachtais chun fiosrúcháin a dhéanamh maidir le cúrsaí a bhfuil tábhacht ag baint leo don phobal i gcoitinne agus, nuair atá an méid sin á dhéanamh acu, cinntí fíorais a dhéanamh i ndáil le hiompar duine ar bith.

Mar gheall ar an athrú beartaithe ar an mBunreacht:

1. Bheadh sé de chumhacht ag an Dáil agus ag an Seanad, ag obair as lámha a chéile nó ar leithligh, fiosrúchán a dhéanamh maidir le hábhar ar bith a mheasann ceachtar acu, nó an péire acu, a bhfuil tábhacht ag baint leis don phobal i gcoitinne. Bheadh sé riachtanach reachtaíocht a thabhairt isteach chun na sonraí maidir leis an gcaoi ina ndéanfaí fiosrúcháin den sórt sin a leagan amach.
2. Agus fiosrúchán ar bith den sórt sin á dhéanamh, bheadh sé de chumhacht ag ceachtar den dá Theach, nó ag an bpéire acu, fiosrúchán a dhéanamh maidir le hiompar duine ar bith agus bheadh sé de chumhacht acu cinntí ábhartha a dhéanamh maidir le hiompar an duine sin.
3. Bheadh sé de chumhacht ag an Dáil nó ag an Seanad nó ag an dá theach an chothromaíocht oiriúnach a chinneadh idir cearta na ndaoine a mbeadh baint acu le fiosrúchán ar bith den sórt sin agus na riachtanais ó thaobh leas an phobail de. Agus an méid sin á dhéanamh acu, bheadh sé d’oibleagáid orthu aird a thabhairt ar phrionsabail na nósanna imeachta cothroma. Bunaíodh na prionsabail sin faoin mBunreacht agus trí na Cúirteanna.

Níor thoiligh na daoine leis an togra.

---

Tuarascáil

Níl aon téacs Gaeilge den Tuairisc ar fáil agus mar sin tá an nasc le téacs Béarla an Tuairisc.